Amr ibn Ýahýa öz kakasyndan habar berip şeýle diýipdir: “Meniň pylan kakam (‘Amr ibn Ebu Hasan) köp täret alardy. (Bir günem) Abdulla ibn Zeýde “Pygamberimiz sallallahu aleýhi wesellemiň nähili täret alşyny görşüň ýaly bize-de görkezsene!” diýdi. Ol (Abdulla ibn Zeýd) bir legende suw getirmegi buýurdy. Legeni egip, eline suw akdyrdy we üç gezek ellerini ýuwdy, soň elini legeniň içine salyp, bir owuç suw bilen üç gezek agzyny çaýkady we burnuna suw alyp sümgürip arassalady. Soňra elini ýene-de (legene) sokup, owjunda suw alyp üç gezek ýüzüni ýuwdy, ondan soň iki-ikiden gollaryny tirseklerine çenli ýuwdy, soňra eline suw alyp, iki elini kellesiniň öňünden arkasyna, (arkasyndan hem) öňüne geçirip, kellesine mesh etdi, soňra aýaklaryny ýuwdy. Soňra bolsa “Men Pygamberimiz sallallahu aleýhi wesellemiň şeýle täret alyp durşuny gördüm” diýdi.