"Abdulla ibn Omardan (Allah olardan razy bolsun) rowaýat edilmegine görä, ol şeýle diýipdir: “Haçanda Sa’d ibni ‘Ubada hassa bolup ýatyrka, Pygamberimiz sallallahu aleýhi wesellem Abdurraman ibn ‘Auwf, Sa’d ibn Ebu Wakkas we Abdulla ibn Mes’ud (Allah olardan razy bolsun) bilen bilelikde, Sa’d ibni ‘Ubadany soramaga geldiler. Onuň ýanyna giren wagty, daş töwereginde hossarlarynyň oturandygyny görüp, Pygamberimiz sallallahu aleýhi wesellem: “Ol eýýäm amanadyny tabşyrdymy?” diýip sorady. Olar: “Ýok, ýa Resulullah!” diýdiler. Şonda Pygamberimiz sallallahu aleýhi wesellem ony görüp aglady. Pygamberimiz sallallahu aleýhi wesellemiň aglaýşyny gören sahabalar hem aglamaga durdylar. Şol wagt Pygamberimiz sallallahu aleýhi wesellem şeýle diýdi:
“Eýsem, siz eşitmeýärsiňizmi näme?! Elbetde Allah, gözlerden akan ýaş üçin we ýüregiň hasraty üçin azap berýän däldir. Azap berse-de rehim etse-de şu sebäplidir” diýip, dilini görkezdi. Elbetde, merhumyň hossarlarynyň aglamaklary sebäpli, oňa azap berilýändir!”
Omar radyýallahu ‘anhu (merhum üçin ses edip aglaýanlary) taýak bilen urardy, daş atardy we olara toprak seçerdi."
