Ibn Abbasdan (Allah olardan razy bolsun) rowaýat edilmegine görä, bir gezek ondan: “Pygamberimiz sallallahu aleýhi wesellem bilen birlikde baýram namazyna gatnaşyp gördüňmi?” diýip sorapdyrlar. Ibn Abbas: “Hawa, eger-de men Oňa ýakyn (garyndaş) bolmadyk bolsadym, onda meniň ýaşymyň kiçiligi sebäpli ol ýerlerde bolup bilmezdim.” diýdi. (Soňra Ibn Abbas sözüni dowam etdirip şeýle diýdi): “Soňra Pygamberimiz sallallahu aleýhi wesellem Kesir ibn Saltyň öýüniň deňindäki bellik edilen (sütüniň) ýanyna gelip, namaz okady soňra hutba aýtdy. Soňra Bilal bilen aýal-gyzlaryň ýanyna baryp, olara-da öwüt-nesihat etdi, olara köp zatlary ýatlatdy we sadaka bermeklerini emr etdi. Soňra men aýallaryň monjuklaryny aýyrmak üçin ellerini boýunlaryna uzadyp, olary Bilalyň eşiginiň üstüne atyp durandyklaryny gördüm. Soňra bolsa Pygamberimiz sallallahu aleýhi wesellem Bilal bilen bilelikde öýüne gaýtdy”.
