Ibn Abbasdan (Allah olardan razy bolsun) rowaýat edilmegine görä, ol şeýle diýipdir: “Pygamberimiz sallallahu aleýhi wesellem namaz okamak üçin ýerinden turdy, adamlar hem onuň bilen bile turdylar. Ol tekbir aldy, olaram tekbir aldylar. Soň rukuga egildi, (sahabalaryň) bir topary, Onuň bilen rukuga egildiler. Soňra sejdä gitdi, olaram sejdä gitdiler. Soňra ikinji rekagata galdy, yzyndaky sejde eden sahabalar ýerlerinden turup, (beýleki rukuga gitmedik musulman) doganlaryny goramaga başladylar. Soňra (birinji rekagatda Pygamberimiz sallallahu aleýhi wesellem bilen rukug we sejde etmedik beýleki topar) gelip, Onuň bilen rukug we sejde etdiler. Bu aralykda jemagatyň hemmesi namazyň içindediler, ýöne biri-birlerini goraýardylar”.