Ebu Hureýreden (Allah ondan razy bolsun) rowaýat edilmegine görä, Pygamberimiz sallallahu aleýhi wesellem şeýle diýipdir: “Juma güni perişdeler mesjidiň gapysynda durup, (tertip boýunça mesjide gelýän adamlary) birin-birin ýazarlar: Has ir gelen adam bir düýe gurban eden ýalydyr. Ondan soňky bir sygyr gurban eden ýaly, soň göç, soň towuk, soň bolsa, ýumurtga (sadaka) beren adam ýalydyr. Haçanda ymam (hutba okamaga) çykanda, perişdeler kitaplaryny ýygnap, zikri (ýagny hutba) diňlemäge durarlar”.
