Ibn Abbasdan (Allah olardan razy bolsun) rowaýat edilmegine görä, ol şeýle diýipdir: “Bir gün Pygamberimiz sallallahu aleýhi wesellem omuzlaryna atynan uly bir ýapynjasyna bürenip we başyny boz bir sargy bilen sarap münbere çykdy. Bu Onuň hutba aýtmak üçin münberde iň soňky oturyşy boldy. Ol Allaha hamdu-senalar aýdandan soň: “Adamlar, meniň ýanyma, golaýrak geliň!” diýdi. Sahabalar Onuň daşyna üýşdiler. Soňra Pygamberimiz sallallahu aleýhi wesellem “Emma ba’du” diýip, söze başlady: “Bilip goýuň, bu Ensarylaryň jemagaty gün-günden azalyp, başga adamlar köpeler. Şonuň üçin hem Muhammed sallallahu aleýhi wesellemiň ymmatyndan kimde kim haýsydyr bir zadyň üstünden garap hem bir kişä zerer ýa-da peýda berip biljek güýje eýe bolsa, goý, olaryň (Ensarylaryň) gowulyk edenleriniň gowulygyny alsyn, erbetlik edenleriniň bolsa, erbetligini bagyşlasyn!”.
