"Äsmäden (Allah ondan razy bolsun) rowaýat edilmegine görä, ol şeýle diýipdir: “(Bir gezek) men Aişanyň ýanyna bardym. Ol namaz okap duran eken. Men ondan “Bu adamlara näme bolýar?” diýip soradym. Ol Asmana yşarat edip: “Subhanallah!” diýdi. (Mesjide tarap seredip görsem) adamlar namaz okap duran eken. Men “Bu bir alamatmy?” diýdim. Ol kellesini ýaýkap: “Hawa” diýdi.
Şondan soň menem namaza durdum. Men birden huşumy ýitirip, özümden gitjek boldum. Kelläme suw akdyryp başladym. Namazdan soň, Pygamberimiz sallallahu aleýhi wesellem Allah Azza we Jellä hamdu-senalar aýdyp, soňundan şeýle diýdi: “Men (ýaňyja) şu duran ýerimde maňa öň hiç görkezilmedik zatlary gördüm, hatda Jennet bilen dowzahy hem gördüm. Şeýle hem Maňa gabyrlaryňyzda dejjalyň synagyna meňzeş ýa-da şoňa golaýrak bir synagdan geçjekdigiňiz barada wahy geldi. (Her bir ölen adamdan) “Bu adam, (ýagny Muhammed) hakda näme bilýärsiň?” diýip soralar. Imanly ýa-da (ynanjy bar bolan) adam “Bu Allahyň ilçisi Muhammetdir. Ol bize anyk subutnamalar we hidaýat (ýagny dogry ýol görkezmek üçin) geldi. Biz Oňa jogap berdik we yzyna eýerdik. Bu Muhammetdir” diýip, üç gezek gaýtalar. Soňra (perişdeler) oňa “Indi, sen arkaýyn dynç al-da ýatyber, çünki biz seniň Oňa berk ynanýadygyňa göz ýetirdik!” diýerler. Munafyk ýa-da (şübhesi bar bolan adam) bolsa “Men bilmedim, men diňe adamlaryň (ol hakda) bir zat aýdanyny eşitdim we menem şol bir zady gaýtaladym” diýip jogap berer”."
