"Jäbir ibn Abdulladan (Allah ondan razy bolsun) rowaýat edilmegine görä, Pygamberimiz sallallahu aleýhi wesellem şeýle diýipdir: “Kimde kim sarymsak, sogan iýen bolsa, bizden ýa-da biziň mesjidimizden daş durup, öýünde otursyn”.
(Ol ýene-de şeýle habar berdi): “Bir gezek Pygamberimiz sallallahu aleýhi wesellemiň ýanyna içinde gök önümler gaýnadylan bir gazan getirdiler. Pygamberimiz sallallahu aleýhi wesellem onda bir ýakymsyz ysyň gelýänini duýup, nämäniň ysydygyny sorady. Onuň içindäki gök-önümler hakynda Oňa habar berildi. Ol ýanyndaky sahabalaryň birine yşarat edip: “Ony alyp gidiň” diýdi. Sahaba hem Pygamberimiz sallallahu aleýhi wesellemiň beýle edişini görüp, ony iýmek islemedi. Pygamberimiz sallallahu aleýhi wesellem oňa: “Sen mundan iý. Sebäbi men seniň mynajat etmeýänleriň bilen mynajat edýärin” diýdi”.
Başga bir rowaýatda: “Gök-önümli tabak getirildi” diýilýär.
"
