‘Ukbadan (Allah ondan razy bolsun) rowaýat edilmegine görä, ol şeýle diýipdir: “Bir gezek Medinede Pygamberimiz sallallahu aleýhi wesellemiň yzynda durup ikindi namazyny okapdym. Pygamberimiz sallallahu aleýhi wesellem egnine salam berenden soňra, howlugyp ýerinden turdy-da, adamlaryň eginleriniň üstünden ätläp, aýallarynyň biriniň hüjresine girip gitdi. Adamlar Onuň bu bolşundan gorkdular. Biraz wagtdan soň Ol jemagatyň ýanyna çykdy. Onuň bu howlukmaç halyny geň görüp, aňk-taňk bolup duran adamlary görüp, Ol: “(Namaz okap durkam) bizde bir bölek altyn bardygy ýadyma düşdi we meniň ünsümi çekip durmaz ýaly, onuň paýlanmagyny emr edip (geldim)” diýdi.