Rifa’a ibn Rafi’ Az-Zurakyýden (Allah ondan razy bolsun) rowaýat edilmegine görä, ol şeýle diýipdir: “Bir gün Pygamberimiz sallallahu aleýhi wesellemiň arkasynda durup, namaz okaýardyk. Ol rukugdan başyny galdyranda: “Sami’allahu liman hamidah” diýdi. Onuň yzynda durup namaz okaýanlaryň biri: “Robbänä wä läkäl hamdu. Hamdän, käsiron, toýýibän, mubärokän fihi” (Bol bereketli, iň gowy öwgüler, Allahym, saňa bolsun)” diýdi. Pygamberimiz sallallahu aleýhi wesellem namaz okap bolandan soňra: “Ýaňky sözleri kim aýtdy?” diýip sorady. Ol hem: “Mendim” diýdi. Pygamberimiz sallallahu aleýhi wesellem: “Otuzdan gowrak perişdäniň bu sözleri biri-birinden öňürti ýazjak bolup, öz aralarynda ýaryşyp howlugandyklaryny gördüm” diýdi.
