"Ebu Hureýreden (Allah ondan razy bolsun) rowaýat edilmegine görä, ol şeýle diýipdir: “Resulullah sallallahu aleýhi wesellem namaz okamaga duranda, “Allahu Akbär” diýip tekbir alardy. Soňra rukuga gidende-de tekbir alardy. Soňra rukugdan dikelip, bilini dogurlap barýarka: “Sami’al-lahu liman hamidah”, dikelenden soň bolsa: “Robbänä läkäl hamd” diýerdi. (Abdulla ibn Salih, Leýsden eden rowaýatynda: “(Robbänä) wa lakal-hamd” diýipdir.) Soňra Pygamberimiz sallallahu aleýhi wesellem sejdä gidip barýarka tekbir alardy. Soňra sejdeden başyny galdyranda tekbir alardy. Soňra ikinji sejdä gidende ýene tekbir alardy. Soňra başyny sejdeden galdyranda tekbir alardy. Soňra namazyny tamamlaýança, tutuş namazynyň dowamynda şeýle ederdi. Ikinji rekagatdan soň oturyp, soňra aýaga galanda-da tekbir alardy”. "