"Seýýar ibn Selämeden rowaýat edilmegine görä, ol şeýle diýipdir: “Men (bir gün) kakam bilen bilelikde Ebu Barza Al-Asläminiň (Allah ondan razy bolsun) ýanyna girdim. Biz ondan namazlaryň wagty hakynda soradyk. Ol şeýle diýdi: “Pygamberimiz sallallahu aleýhi wesellem öýle namazyňyzy, Gün günortadan günbatara tarap meýil edip başlan badyna okardy.
Ikindi namazyny okap bolandan soňra bolsa, biziň birimiz Medinäniň iň uzak çetinde ýerleşýän öýüne dolanyp baran mahalynda-da, Gün diri bolup, (henizem özüniň gyzgynlygyny ýitirmezdi.)
(Bu hadysy rowaýat eden adam): “Agşam namazy hakynda aýdan sözlerini ýadymdan çykarypdyryn” diýdi.
Ol ýene-de şeýle diýdi: “Ýassy namazyny gijäniň üçden biri geçýänçä, gijikdirip okap bilerdi. Ýassy namazyndan öň uklamagy we namazdan soň bolsa gürleşip oturmagy halamazdy. Ol ertir namazyny okap bolandan soň, adamlar çykyp gidende (namaz okan wagty) ýanyndaky oturanyň kimdigini tanap başlardylar. Ol iki rekagatynda ýa-da diňe bir rekagatynda, altmyş aýatdan ýüz aýata çenli Kuran okardy”.
"
