Nafigdan rowaýat edilmegine görä, ol şeýle diýipdir: “Ibn Omar (Allah ondan razy bolsun) namaz okamaga başlanda, “Allahu Akbär” diýip, ellerini ýokary galdyrardy. Rukuga gidende-de, ellerini galdyrardy. Haçan-da, “Sämi’allahu limän hämidäh” diýen wagty hem ellerini ýokary galdyrardy. Ikinji rekagatdan soň aýaga galanda hem ýene ellerini ýokary galdyrardy. Ibn Omar bu eden hereketlerini Pygamberimiz sallallahu aleýhi weselleme ýöňkärdi (ýagny, Pygamberimiz sallallahu aleýhi wesellemden görüp, şeýle edendigini aýdardy) ”.