"Jäbir ibn Abdulla El-Ensarydan rowaýat edilmegine görä, ol şeýle diýipdir: “Bir adam gijäniň garaňkylygy düşenden soň iki sany ekin suwarylýan düýesi bilen geldi. Ol şol wagt Mu’azyň (Allah ondan razy bolsun), namaz okap duran wagtyna gabat geldi. Ol derrew düýesini goýup, Mu’azyň ýanyna geldi (we onuň namazyna uýdy). Mu’az “Bakara” ýa-da “Nisä” süresini okamaga başlandan, ol adam çykyp gitdi. Soň Mu’azyň ol adam hakynda bir erbet zat aýdandygy onuň gulagyna degdi. Ol adam Pygamberimiz sallallahu aleýhi wesellemiň ýanyna gelip, Mu’azyň üstünden şikaýat etdi. Şonda Pygamberimiz sallallahu aleýhi wesellem: “Eý, Mu’az, sen näme fettanmysyň?” ýa-da “Fatynmysyň!” diýip, üç gezek gaýtalady.
“Säbbi hisme Robbikäl-A’lä”, “Wäş-şämsi wäduhähä”, “Wäl-läýli izä ýägşä” sürelerini okasaň bolmaýardymy?! Çünki seniň yzyňda garry, ejiz we işli-derti bolan adamlar hem namaz okaýar ahyryn” diýdi.
"
