Kylabäniň aýtmagyna görä, Mälik (ibn El-Huweýris Allah ondan razy Ebu bolsun) şeýle gürrüň beripdir: “(Bir wagtlar) biz Pygamberimiz sallallahu aleýhi wesellemiň ýanyna geldik. Biziň hemmämiz deň ýaşdaky ýaş ýigitlerdik. Onuň ýanynda ýigrimi gün, ýigrimi gijeläp galdyk. Pygamberimiz sallallahu aleýhi wesellem örän mähirli we mylaýymdy. Ol biziň çagalarymyzy we aýallarymyzy göresimiziň gelýändigini aňyp, bizden yzymyzda galan adamlar hakynda sorady. Biz hem olar hakda gürrüň berdik. Soňra Ol bize: “Siz indi yzyňyza – maşgalaňyzyň arasyna dolanyp baryňda, olaryň ýanynda galyň. Olara-da dini we namaz okamagy öwrediň hem-de olara haýyr işleri etmekligi buýruň” diýip, birnäçe zatlary agzap geçdi (häzirki wagtda Onuň aýdan zatlarynyň içinde meniň ýadyma düşýänem bar, düşmeýänem). “Meniň namaz okap durşumy görşüňiz ýaly, namaz okaň. Namazyň wagty gelende, içiňizden biriňiz azan aýtsyn we iň ulyňyz ymam bolsun” diýdi.