"Abdulla ibn Ebu Katadanyň kakasy Ebu Katada (Alla ondan razy bolsun) şeýle diýipdir: “Bir gije Pygamberimiz sallallahu aleýhi wesellem bilen ýolda barýarkak, käbir adamlar Oňa: “Ýa Resulullah, belki, gijäniň ahyrynda düşläp biziň bilen dynç alarsyň!” diýdiler. (Pygamberimiz sallallahu aleýhi wesellem) olara: “Uklap, namazy geçirermikäňiz öýdüp gorkýaryn” diýdi. Bilal: “Men siz oýararyn” diýdi. Şeýdip hemmeler uklap galdy. Bilal hem arkasyny düýesine ýaplap, ukusyna döz gelip bilmän, uklap galdy. Pygamberimiz sallallahu aleýhi wesellem oýanan wagty eýýäm Günüň bir gyrasy görünipdi. Ol: “Eý Bilal, hany seniň beren sözüň?!” diýdi. Bilal: “Meni şu güne çenli munuň ýaly agyr uky basan däldir” diýdi.
Soňra Pygamberimiz sallallahu aleýhi wesellem: “Elbetde, Allah siziň ruhlaryňyzy islän wagty alar we islän wagty hem gaýdyp berer. Bilal, tur-da, azan aýdyp, adamlary namaza çagyr” diýdi. Soňra Pygamberimiz sallallahu aleýhi wesellem täret aldy. Gün ýokary galyp, gowy ýagtylan wagty ýerinden turup, namaz okady”.
"
