Ibn Abbasdan (Allah olardan razy bolsun) rowaýat edilmegine görä, ol şeýle diýipdir: “Abdulkaýs (taýpasynyň) wekiliýetinden (bir topar adam) Pygamberimiz sallallahu aleýhi wesellemiň ýanyna geldiler. Olar (Pygamberimiz sallallahu aleýhi weselleme): “Biz Rabi’a (taýpasynyň) sebitinden gelýäris. Biz seniň ýanyňa Haram aýyndan başga wagtlar gelip bilmeýäris. Şonuň üçin hem bize bir zady emr et, biz ony Senden kabul edip alaly we yzymyzda galan adamlary hem ony etmäge çagyraly!” diýdiler. Pygamberimiz sallallahu aleýhi wesellem olara “Men size dört zady emr edýärin we dört zady hem gadagan edýärin. (Emr edýän zatlarymyň birinjisi) Allaha iman etmek” diýip, soňra iman etmekligi olara şeýle düşündirdi: “Allahdan başga hiç bir hudaýyň ýoklugyna, Muhammediň hem Allahyň Ilçisidigine şaýatlyk etmek, namazy berjaý etmek, zekat bermek we oljadan (düşen zatlaryň) bäşden birini Maňa (beýtul mala ) bermekdir” diýdi. Şeýle hem “Dubba , hantam , mukaýýar we nakyr (gaplaryny ulanmagy) gadagan edýärin” diýdi.