"Nu’man ibni Beşirden (Allah ondan razy bolsun) rowaýat edilmegine görä, ol men Pygamberimiz sallallahu aleýhi wesellemden şeýle eşitdim diýipdir: “Elbetde, halal zatlar bellidir, haram zatlar hem bellidir, ýöne şol ikisiniň arasynda köp adamlaryň (halalmy ýa harammy) bilmeýän şübheli zatlary bardyr. Şübhelerden saklanan adam dinini we ar-namysyny päklän (goran) adamdyr. Şübheli zatlara girip ýören adam bolsa, edil goraghananyň töwereginde mallaryny bakyp ýörkä, mallary goraghananyň içine giräýjek bolup duran çopanyň mysaly ýalydyr.
Ägä boluň! Her bir patyşanyň öz goraghanasy bardyr. Dykgat ediň! Allahyň hem ýerdäki goraghanasy Onuň haram eden zatlarydyr. Elbetde, bedende bir bölek et bardyr, eger ol et düzüw bolsa, tutuş beden düzüw bolar. Eger ol bozuk bolsa, onda tutuş beden zaýa bolar. Ol bölek et – ýürekdir”."
