Ýene-de Abdulla ibn Omar (Allah olardan razy bolsun) şeýle gürrüň bererdi: “Pygamberimiz sallallahu aleýhi wesellem Ar-Ruwaýse (diýilýän oba) ýetmänkäň, ýoluň sag tarapynda, tekiz we giň bir ýerde ösüp oturan goja bir agajyň aşagynda düşlärdi. Ol agaç Ar-Ruwaýsedäki habarçylaryň duran ýerinden, takmynan, iki mil uzaklykda ýerleşýän depäniň bäri ýanynda ösýärdi. Bu agajyň ýokary başy döwüldi, içi (gurap) boşap galdy. Ol häzirem (daşky) agajynyň hasabyna (direnip) durandyr. (Bu agajyň) aýagynda bolsa köp sanly gum tümmekleri bardyr”.
