Ibn Abbasdan (Allah olardan razy bolsun) rowaýat edilmegine görä, ol şeýle diýipdir: “(Bir gün) Resulullah sallallahu aleýhi wesellem, ölümine sebäp bolan hassalygy döwründe, kellesini bir mata bilen daňyp, mesjide çykdy. Ol münberiň üstünde oturyp, Allaha hamdu-sena aýtdy, soňra şeýle diýdi: “Elbetde, adamlaryň içinde Ebu Kuhafanyň ogly Ebu Bekrden artyk meniň üçin janyny we malyny (orta goýup), gaýgyrmadyk (başga bir adam) ýokdur. Eger-de men adamlaryň arasyndan bir adamy özüme Halyl (iň ýakyn dost) tutmaly bolsadym, onda men hökman Ebu Bekri özüme Halyl edip saýlardym. Ýöne welin Yslamdaky ýakyn dostluk – bu iň gowusydyr. Menden soň, Ebu Bekriň gapysyndan başga, mesjide tarap çykylýan ähli gapylary ýapyň!”.