"Enes ibn Mälikden (Allah ondan razy bolsun) rowaýat edilmegine görä, ol şeýle diýipdir: “(Bir gezek) onuň garry enesi Muleýke (Allah ondan razy bolsun) Resulullah sallallahu aleýhi wesellemi nahara çagyrdy. (Pygamberimiz sallallahu aleýhi wesellem onuň bişiren) naharyndan iýenden soňra, olara “Indi, turuň, siziň üçin namaz okap bereýin!” diýdi. Enes şeýle diýdi: “Soňra men uzak wagtlap durmakdan ýaňa gap-gara bolup giden köneje hasyrymyzyň (düşegimiziň) üstüne suw sepip, ony alyp geldim. Pygamberimiz sallallahu aleýhi wesellem şonuň (üstünde namaza) durdy. Ýetim ikimiz Onuň arkasynda durduk, yzymyzda bolsa garry (enem Muleýke) durdy. Resulullah sallallahu aleýhi wesellem biziň bilen iki rekagat namaz okandan soň, (öýden) çykyp gitdi”. "