Ebu Juhaýfadan (Allah ondan razy bolsun) rowaýat edilmegine görä, ol şeýle diýipdir: “(Bir gezek) men Pygamberimiz sallallahu aleýhi wesellemi gyzyl reňkli deriden ýasalan çadyryň içinde gördüm we Bilalyň Pygamberimiz sallallahu aleýhi wesellemiň täret suwyny alyp duruşyny gördüm. Ýene-de men adamlaryň şol suwdan almaga howlugyp başlandyklaryny gördüm. Ol suwdan alyp bilenler (bedenlerine teberrik hökmünde) çalyp başladylar. Hiç zat alyp bilmedikler bolsa ýoldaşlarynyň çygly ellerine (ellerini degrip, üstlerine) sürtdiler. Soňra Bilal bir ujy demirden bolan taýagy (ýagny anazany) alyp, ony (sütre hökmünde) ýere dikdi. Soňra Pygamberimiz sallallahu aleýhi wesellem egnine gyrmyzy eşik (hülle) geýip, ony çermän halynda daşaryk çykdy. Şol anaza, tarap bakyp, adamlar bilen iki rekagat namaz okady. Men şonda şol taýagyň aňyrsyndan adamlaryň we haýwanlaryň geçip durşuny gördüm”.
