Muhammed ibn Al-Munkadirden habar berilmegine görä, ol şeýle diýipdir: “(Bir gün) men Jäbir ibn Abdullanyň ýanyna bardym. Ol şol wagt bir eşige dolanyp, namaz okap duran eken. Onuň dony bolsa ýerde-di. Namazyny okap bolandan soň, biz oňa “Eý, Abdulla, donuň-a ýerde, özüňem namaz okaýarsyňmy?” diýip soradyk. Ol “Hawa, siziň ýaly nadanlaryň meni (şular ýaly ýagdaýda) görmegini isledim, çünki men Pygamberimiz sallallahu aleýhi wesellemiň hem şular ýaly eşikde namaz okap durşuny görüpdim” diýip jogap berdi.