"Humeýd ibn Abdurrahman ibn ‘Aufdan rowaýat edilmegine görä, Ebu Hureýre (Allah ondan razy bolsun) şeýle diýipdir: “Ebu Bekr (Allah ondan razy bolsun) şol belli haç zyýaratynda, Gurbanlyk güni Minada jar çekip, adamlara “Indiki ýyldan başlap hiç bir müşrügiň haç etmeli däldigini we ýekeje ýalaňaç adamyň hem aýlanyp, Käbä towaf etmeli däldigini” habar berip, yglan etmek üçin meni beýleki muazzinler bilen bilelikde iberdi”. Humeýd ibn Abdurrahman şeýle diýdi: “Soňra Resulullah sallallahu aleýhi wesellem (Ebu Bekriň) yzyndan Alyny iberip, “Bara’at” süresiniň (inendigini) yglan etmegi buýurdy”. Ebu Hureýre (Allah ondan razy bolsun) şeýle diýdi: “Aly Gurbanlyk güni biziň bilen Minada ýygnanan adamlara jar edip (gaty sesi bilen gygyryp): “Geljek ýyldan başlap hiç bir müşrük haç etmesin we ýekeje-de ýalaňaç adam aýlanyp, (Käbäniň daşyndan) towaf etmesin!” diýdi. "