Habar berilmegine görä, Sa’yd ibn El-Haris şeýle diýipdir: “Biz Jäbir ibn Abdulladan (Allah ondan razy bolsun) bir eşikde namaz okamak hakynda soradyk. Ol şonda bize şeýle diýdi: “(Bir gezek) Pygamberimiz sallallahu aleýhi wesellemiň eden saparlarynyň birinde Onuň ýanynda boldum. Bir gije bir iş bilen Onuň ýanyna bardym. Ol namaz okap duran eken. Meniň egnimde diňe bir eşik bardy. Men hem (eşigime) dolanyp, Onuň ýanynda durup namaz okadym. (Namaz okap bolandan soň), Ol “Eý Jäbir, gije gelmegiň sebäbi näme?” diýip sorady. Men oňa näme üçin gelendigimi habar berdim. Ol maňa seredip: “(Eşigiňe beýle gaty) dolanmak nämä gerek boldy?” diýip sorady. Men “Bu eşik (gaty dar) bolýar” diýdim. Ol şonda “Eger eşigiň giň bolsa, onda (egniňi hem ýapar ýaly edip) oňa büren we eger-de (gaty) dar bolsa, ony izar ýaly edip, biliňe daňaý!” diýdi.