Jäbir ibn Abdulladan (Allah ondan razy bolsun) rowaýat edilmegine görä, Pygamberimiz sallallahu aleýhi wesellem şeýle diýipdir: “Maňa Menden öň hiç bir (pygambere) berilmedik bäş (zat) berildi: Bir aýlyk ýol uzaklykdan (duşmanlarymyň ýüreklerine gorky salmak) bilen, maňa kömek berildi. Meniň üçin (tutuş) Ýeriň ýüzi namaz okamak we tämizlenmek üçin (arassa edilip) goýuldy. Şonuň üçin ymmatymdan haýsy bir adam namazyň wagty gelende, ol şol ýerde namaz okap biler. Menden öňki pygamberleriň hiç birine-de (uruşdan) düşen oljalary almaga rugsat berilmedi. Emma Meniň üçin (ony almak) halal edildi. Ýene-de Maňa şepagat hukugy berildi. Mundan başga-da, her bir pygamber diňe öz halkyna iberilen bolsa, Men ähli adamlara (umumy adamzada) iberildim”.