"Rubaýýy‘ bint Mu‘awwizdan (Allah ondan razy bolsun) rowaýat edilmegine görä, ol şeýle diýipdir: “Pygamberimiz sallallahu aleýhi wesellem Aşura güni ir bilen (Medinäniň golaýyndaky) Ensarylaryň obalaryna: “Kim şu gün irden nahar iýen bolsa, indi galan gününiň dowamynda hiç zat iýmesin (agyz beklesin) we kim agzyny bekläp turan bolsa, onda ol orazasyny dowam etsin” diýip, habar ugratdy.
(Rubaýýy‘) şeýle diýdi: “Biz şondan soň Aşura güni agyz beklärdik we çagalarymyza-da agyz beklederdik. Olara ýüňden oýnawaçlar ýasap bererdik. Egerde olardan haýsy biri nahar diýip aglap başlasa, agyz açara çenli, oňa şol oýunjaklardan bererdik”."
