"Huzeýfeden (Allah ondan razy bolsun) rowaýat edilmegine görä, ol şeýle diýipdir: “(Bir gün) Omar (Allah ondan razy bolsun): “Pygamberimiz sallallahu aleýhi wesellemiň pitne hakynda aýdan hadysy kimiň ýadyna düşýär?” diýip sorady. Huzeýfe: “Men onuň şeýle diýenini eşitdim” diýdi: “Adamyň maşgalasy, mal-baýlygy we goňşulary sebäpli başyna gelen pitnelere namaz okamak, oraza tutmak we sadaka bermek keffarat bolar” diýdi. Omar: “Men bu hakda soramadym, men deňizleriň tolkunlary ýaly tolkun atyp, möwç aljak pitneler hakda soraýaryn” diýdi. Huzeýfe: “Onuň öňünde gulply bir gapy bardyr” diýdi. Omar: “(Şol gapy) döwülermi ýa açylarmy?” diýip sorady. Huzeýfe: “Döwüler” diýdi. Omar: “Onda şol döwülen gapy, Kyýamat gününe çenli ýapylmazlyga mynasypdyr!” diýdi. (Bu hadysy rowaýat edenleriň biri): “Biz Mesruga (Huzeýfeden): “Omar şol gapynyň kimdigini bilýärdimi?” diýip sora!” diýdik. Ol hem sorady. Huzeýfe şonda: “Hawa, edil ertirden öň şu gijäniň boljagyny bilşi ýaly, (ol muny gaty gowy) bilýärdi” diýdi."