Abdulla ibn Ma‘kyldan rowaýat edilmegine görä, ol şeýle diýipdir: “Bir gün men Ka‘b ibn ‘Ujra bilen (Allah ondan razy bolsun) otyrkam fidýe hakynda soradym. Ol şeýle jogap berdi: “Bu aýat, aýratyn meniň üçin, siziň üçin hem umumy bolup iberildi. Meni Pygamberimiz sallallahu aleýhi wesellemiň ýanyna alyp baranlarynda, saçymdaky bitler ýüzüme dökülerdi. Pygamberimiz sallallahu aleýhi wesellem (muny görüp) maňa: “Seniň çekýän bu derdiň (ýa-da kösenjiň) şu derejä ýetendir öýtmeýärdim. Bir goýun tapyp bilersiňmi? diýip sorady. Men: “Ýok” diýdim. Onda ol maňa: “Üç günläp agyz bekle, ýa-da her bir misgine ýarym sa‘dan alty misgini doýur” diýdi.