"Näfi‘dan rowaýat edilmegine görä, ol şeýle diýipdir: “Ibn Omar (Allah olardan razy bolsun) Ibn Zubeýriň (Allah olardan razy bolsun, hökümdarlyk eden) döwründe, haruriler haj eden ýyly haj etmek isledi. Şol sebäpli hem, Ibn Omara: “Adamlaryň arasynda bir uruş bolmagy mümkin we olaryň saňa haj etmäge päsgel bermeklerinden gorkýarys” diýdiler. Ibn Omar: “Allahyň pygamberinde siziň üçin gözel görelde bardyr” diýdi. “Men (Pygamberimiz sallallahu aleýhi wesellemiň) edişi ýaly ederin. Men umra hajyny etmek üçin sizi şaýat tutýaryn” diýdi. (Soňra ol ýola düşdi.) Haçanda, Beýda diýilýän ýere baryp ýetende: “Haj bilen umranyň ýagdaýy bir zatdyr. Men haj bilen umrany bilelikde berjaý etjekdigime sizi şaýat tutýaryn” diýdi we ol satyn alan malyny, boýnuna bellik üçin ýüp daňylan halynda alyp gitdi.
Mekgä gelip Käbäniň daşyndan towaf etdi we Safa-Merwe aralygynda sa‘y etdi we munuň üstüne başga hiç zady goşmady. Gurbanlyk güni gelýänçä-de, yhramdan çykmady. Gurbanlyk güni saçyny syrdyrdy we gurbanlygyny öldürdi. Ibn Omar ilkinji towafy bilen (Ifada towafyny) edenden soň, hajyň we umraň towafy tamam boldy diýip, hasap etdi. Soňra ol: “Resulullah sallallahu aleýhi wesellem hem edil şeýle etdi” diýdi."
