"Abdurrahman ibn Ýezidden rowaýat edilmegine görä, ol şeýle diýipdir: “Biz Abdulla ibn Mes‘ud bilen (Allah ondan razy bolsun) Mekgä tarap ýola düşdik. Muzdelifä gelenimizde, ol her namaz üçin aýratyn azan we kamat bilen iki namaz (agşam bilen ýassy namazyny) okady we arasynda agşamlyk naharyny iýdi. Soňra daň atan badyna ertir namazyny okady. Käbir adamlar (şol wagt) daň atypdy diýdiler, käbirleri bolsa, daň atmandy diýdiler.
Soňra Abdulla Pygamberimiz sallallahu aleýhi wesellem şeýle diýip aýtdy diýdi: “Bu iki namaz şu ýerde öz bellenilen wagtyndan üýtgeýändir. Goý, adamlar ýassy namazynyň wagty girýänçä, Muzdelifä gelmesinler. Ertir namazyny hem şular ýaly wagtda okasynlar” diýdi. Şondan soň Abdulla ibn Mes‘ud daň säheri doly agarýança şol ýerde galdy. Soňra şeýle diýdi: “Eger-de mu’minleriň emiri (Osman) häzir şu wagt Muzdelifeden Mina tarap hereket etse, sünnete laýyk etdigi bolardy” diýdi.
(Bu hadysy rowaýat eden Abdurrahman ibn Ýezid): “Men bilmedim, Ibn Mes‘udyň bu sözi ilki çykdymy ýa-da Osmanyň (Allah ondan razy bolsun, Muzdelifeden) çykyşy ilki boldy” diýdi.
Abdulla ibn Mes‘ud gurbanlyk güni Jamratul-Akaba daş atýança, telbiýäni gaýtalap geldi."
