"Sälim ibn Abdulladan rowaýat edilmegine görä, Abdulmelik ibn Merwan, Hajjaja haj meselesinde Abdulla ibn Omarayň yzyna eýermekligi tabşyryp, hat ýazyp ugratdy. Arafa güni gelip, Gün çür depeden (günbatarlygyna tarap) süýşip, meýil edip başlan badynda (kakam) Ibn Omar (Allah olardan razy bolsun) gelip we men hem onuň bilen biledim, Hajjajyň çadyrynyň öňünde belent sesi bilen “Nirede bu?” diýip gygyrdy.
Hajjäj daşaryk çykdy. Ibn Omar oňa: “(Arafa) gitmeli wagt boldy!” diýdi. Hajjäj: “Häzirmi?” diýdi. Ibn Omar: “Howa” diýdi. Hajjäj: “Biraz garaş, kellämden bir suw akydaýyn” diýdi. Ibn Omar düýesinden ýere düşüp, Hajjaj çykýança garaşdy. Hajjaj çykan soň meniň bilen kakamyň arasynda ýöredi.
Men oňa: “Egerde sen bu gün sünnete laýyk hereket etjek bolsaň, hutbany gysga oka-da, Arafatda durmaga howluk!” diýdi. Ibn Omar: “(Sälim) dogry aýtdy” diýdi."
