"Sälimden rowaýat edilmegine görä, ol şeýle diýdi: “Abdulmelik (ibn Merwan) Hajjaja haj meselesinde Ibn Omaryň pikirine garşy gelmezligi emr edip, oňa bir hat ýazyp ugradypdyr. Arafa güni Gün çür depeden (günbatarlygyna tarap) süýşip başlan badynda (kakam) Ibn Omar (Allah olardan razy bolsun) gelip, Hajjajyň çadyrynyň öňünde belent sesi bilen gygyrdy. (Bu sesi eşidip) çöl zagfarany bilen boýalan donyny egnine atyp Hajjäj daşaryk çykdy we: “Eý Ebu Abdyrrahman, saňa näme boldy?” diýip sorady. Ibn Omar: “Eger-de sünnete eýerjek bolsaň, Arafata ýöre” diýdi. Hajjäj: “Şu wagtmy?” diýip sorady. Ibn Omar: “Howa” diýdi. Hajjäj: “Garaş, men kellämden bir suw akydaýyn, soň çykaryn” diýdi. Ibn Omar düýesinden ýere düşüp, Hajjaj çykýança garaşdy. Sälim şeýle diýdi: “Hajjaj çykan soň ol, meniň bilen kakamyň arasyndan ýöräp gitdi. Men Hajjaja: “Eger-de sünnete laýyk etjek bolsaň, hutbany gysga oka-da, Arafatda durmagy çaltlaşdyr!” diýdi. Şol wagt, Hajjaj Abdullanyň ýüzüne seredip başlady. Abdulla muny görüp: “(Sälim) dogry aýtdy” diýdi."