"Ata ibn Ýezidden rowaýat edilmegine görä, Osman ibn ‘Affanyň öň azat eden bir guly bolan Humranyň habar bermegine görä, ol şeýle diýipdir: “(Bir gezek) ol Osman ibn ‘Affanyň täret almak üçin (bir adama) suw getirmegi buýurandygyny görüpdir. (Haçanda oňa suw getirip berende) gapdaky suwdan ellerine suw akdyryp, üç gezek ýuwdy. Soňra sag elini täret suwyň içine sokup, agzyny çaýkady we burnuna suw alyp sümgürip arassalady. Soňra ýüzüni üç gezek we gollaryny tirseklerine çenli üç gezek ýuwdy. Soňra kellesine mesh etdi. Soňra her aýagyny üç gezekden ýuwdy.
Soňra (Osman ibn ‘Affan): “Men Pygamberimiz sallallahu aleýhi wesellemiň meniň şu täret alyşym ýaly täret alyp duruşyny gördüm” diýdi. Pygamberimiz sallallahu aleýhi wesellem ýene-de şeýle diýdi:
“Kimde-kim meniň şu täret alyşym ýaly täret alsa, soňra içini gürletmän iki rekagat namaz okasa, Allah onuň geçen günälerini bagyşlar.”"
