"Ibn Şihäbden rowaýat edilmegine görä, ‘Ata ibn Ýezid Osmanyň öň azat eden guly bolan, Humranyň habar bermegine görä, ol şeýle diýipdir: “Bir gezek ol Osman ibn ‘Affanyň bir (kişä) bir gapda suw getirmegi buýurandygyny görüpdir. (Haçan-da, oňa suw getirenlerinde), üç gezek ellerinden suw akydyp ýuwdy. Soňra sag elini gabyň içine sokup, suw alyp agzyny çaýkady we burnuny ýuwdy. Ondan soň ýüzüni we gollaryny tirseklerine çenli üç gezekden ýuwdy. Soňra kellesine mesh etdi. Soňra aýaklaryny topuklaryna çenli üç gezekden ýuwdy.
Şondan soň Pygamberimiz sallallahu aleýhi wesellem şeýle diýip aýtdy diýdi: “Kimde-kim meniň şu täret alşym ýaly täret alsa, soňra içini gürletmän, iki rekagat namaz okasa, geçen ähli günäleri bagyşlanar”."
