Ebu Zerrden (Allah ondan razy bolsyn) rowaýat edilmegine görä, ol şeýle diýdi: “Bir gün men Pygamberimiz sallallahu aleýhi wesellemiň ýanyna geldim. Ol şonda şeýle diýdi: “Janym Elinde bolan Allaha kasam edýärin! (ýa-da “Özünden başga ybadat etmäge mynasyp başga hiç bir hudaý bolmadyk (Allahdan) ant içýärin!) haýsy bir adamyň düýeleri, sygyrlary ýa-da goýunlary bar bolup, olaryň hakyny (zekadyny) bermedik bolsa, Kyýamat güni şol mallary iň iri we semiz ýagdaýynda getirlip, aýaklary bilen depeläp, şahlary bilen süsüp başlarlar. Her gezek onuň üstinden (mallaryň) iň soňkulary depeläp geçenden soň, öňkileri gaýtarylyp täzeden üstinden geçirler we bu ýagdaý tä adamlaryň arasyndaky hasap gutaryp, höküm edilýänçä, (şeýdip gaýtalanyp durar).