"Enes (ibn Mälik Allah ondan razy bolsyn) şeýle gürrüň berýär: “Ebu Bekr (Allah ondan razy bolsyn) oňa Allahyň öz Resuly sallallahu aleýhi weselleme parz eden zekadynyň möçberini beýan edýän bir hat ýazdy. (Bu hatda şeýle beýan edilýär): “Eger-de zekatdan dört ýaşar düýe bermeli bolup duran bir adamyň sürüsinde dört ýaşar urkaçy düýesi bolman, üç ýaşar urkaçy düýesi bar bolsa, onda şol üç ýaşar urkaçy düýesini zekat hökmünde kabul ediler, ýöne ýany bilen egerde, bar bolsa ýene-de iki sany goýun ýa-da ýigrimi dirhem (kümüş) berer. Eger-de zekatdan üç ýaşar düýe bermeli bolup duran adamyň sürüsinde üç ýaşar urkaçy düýesi bolman, dört ýaşar urkaçy düýesi bar bolsa, onda şol üç ýaşar urkaçy düýesi zekat hökmünde kabul ediler, ýöne zekat toplaýan adam oňa ýigrimi dirhem ýa-da iki sany goýun gaýtaryp berer. Eger-de zekatdan üç ýaşar düýe bermeli bolup duran bir adamyň sürüsinde üç ýaşar urkaçy düýesi bolman, iki ýaşar urkaçy düýesi bar bolsa, onda şol iki ýaşar urkaçy düýesini zekat hökmünde kabul ediler, ýöne ýany bilen iki sany goýun ýa-da ýigrimi dirhem (kümüş) berer. Eger-de zekatdan iki ýaşar düýe bermeli bolup duran adamyň sürüsinde üç ýaşar urkaçy düýesi bar bolsa, onda şol üç ýaşar urkaçy düýesini zekat hökmünde kabul ediler, ýöne zekat toplaýan adam oňa ýigrimi dirhem ýa-da iki sany goýun gaýtaryp berer. Eger-de zekatdan iki ýaşar düýe bermeli bolup duran bir adamyň sürüsinde iki ýaşar urkaçy düýesi bolman, bir ýaşar urkaçy düýesi bar bolsa, onda şol bir ýaşar urkaçy düýesi zekat hökmünde kabul ediler, ýöne ýany bilen iki sany goýun ýa-da ýigrimi dirhem (kümüş) berer."