"Ibn Abbasdan (Allah olardan razy bolsun) rowaýat edilmegine görä, ol şeýle diýýär: “Abdulkaýs (taýpasynyň) wekiliýetinden (bir topar adam) Pygamberimiz sallallahu aleýhi wesellemiň ýanyna gelip, (Pygamberimiz sallallahu aleýhi weselleme): “Biz Rabi’a (taýpasynyň) sebitinden gelýäris. Biziň bilen seniň araňda Mudar taýpasynyň kapyrlary ýerleşýär. Şonuň üçin hem biz seniň ýanyňa Haram aýyndan başga wagtlar gelip bilmeýäris. Bize bir zady emr et, biz ony Senden kabul edip alaly we yzymyzda galan adamlary hem ony etmäge çagyraly!” diýdiler. Pygamberimiz sallallahu aleýhi wesellem olara “Men size dört zady emr edýärin we dört zatdan hem gadagan edýärin; Allaha iman etmek we Allahdan başga hiç bir hudaýyň ýoklugyna şaýat bolmak diýip, (eli bilen barmagyny epledi), namazy berjaý etmek, zekat bermek we oljadan (düşen zatlaryň) bäşden birini (beýtul mala ) bermekdir” diýdi. We men size “Dubba , hantam , mukaýýar we nakyr (gaplaryny ulanmagy) gadagan edýärin” diýdi. Süleýman we Ebun-Nu‘man (bu hadysy) Hammaddan rowaýat edenlerinde: “Allaha iman etmek, “Allahdan başga ybadat etmäge mynasyp hudaý ýokdur” diýip şaýat bolmakdyr” diýdi."