"Aişadan (Allah ondan razy bolsun) rowaýat edilmegine görä, ol şeýle diýipdir: “Men Ebu Bekriň (Allah ondan razy bolsun) ýanyna geldim. Ol menden: “Pygamberimiz sallallahu aleýhi wesellemiň jesedini näçe bölek mata bilen kepenlediňiz?” diýip sorady. Aişa: “Pygamberimiz sallallahu aleýhi wesellemiň jesedi köýneksiz we sellesiz, üç bölek ak reňkli ýemen matasyna dolandy” diýdi. Ebu Bekr: “Resulullah sallallahu aleýhi wesellem haýsy gün wepat boldy?” diýip sorady. Aişa: “Duşenbe güni” diýdi. “Bu gün haýsy gün?” diýip sorady. Aişa: “Duşenbe güni” diýdi.
Ebu Bekr: “Men hem şu pursat bilen şu gijäniň aralygynda dünýäden öterin diýip umyt edýärin” diýdi. Soňra ol, özüniň hassa wagtyndaky geýen egin-eşigine seretdi, ondaky zagfaran otunyň tegmillerini görüp şeýle diýdi: “Meniň şu eşigimi ýuwyň, ýene-de iki sany eşigi üstine goşup meni şolar bilen kepenläň” diýdi. Men: “Bu köýnegiň könelipdir (ahyryn)!” diýdim. Ol: “Diri adamlar ölülere garanyňda täze eşige has mynasypdyr. Kepen diňe merhumyň teninden çykýan iriň üçin gerek bolan zatdyr” diýdi. Ebu Bekr sişenbe güni agşamara dünýäden ötdi we daň atmaka-da jaýlandy”. "
