"Abdulla ibn Omardan (Allah olardan razy bolsun) rowaýat edilmegine görä, Pygamberimiz sallallahu aleýhi wesellem adamllara ýüzlenip: “Agaçlaryň arasynda ýapraklary dökülmeýän bir agaç bardyr we ol (agaç) musulmana meňzeşdir. Maňa şol agajyň haýsy agaçdygyny aýdyp beriň? – diýdi.
Adamlar çölde ösýän agaçlar hakda pikirlenmäge başladylar. Meniň aklyma bolsa, hurma agajy, geldi. Abdulla (ibn Omar):
-(Ýöne) Men (ony aýtmaga) utandym – diýdi. Soňra olar:
-Ýa Resulallah! Onuň haýsy agaçdygyny bize aýdyp beräý? – diýdiler.
(Pygamberimiz sallallahu aleýhi wesellem) olara:
-Ol agaç, hurma agajydyr, diýdi”.
Abdulla (ibn Omar) şeýle diýdi:
-“(Soňra) men aklyma gelen zady kakam (Omara) aýdyp berdim. Ol:
-Eger sen aýdan bolsadyň, meniň üçin şu, şu... zatlardan hem has gowy bolardy, diýdi”."
