"Aişadan (Allah ondan razy bolsun) rowaýat edilmegine görä, ol şeýle diýipdir: “Haçanda, Pygamberimiz sallallahu aleýhi weselleme Ibn Harisiň, Ja‘faryň we Ibn Rowahanyň şehid edilendigi hakyndaky habar gelende, ol dik duran ýerinden aşak oturdy we onuň gamlanyp, gaýga batanlygy görünip durdy. Men şol wagt gapynyň boşlugyndan oňa seredip durdym.
Bir adam onuň ýanyna gelip: “Ja‘faryň aýallary...” diýip, olaryň (ses edip) aglaýyşlaryny habar berdi. Pygamberimiz sallallahu wleýhi wesellem olara muny gadagan etmekligi ol gelen adama tabşyrdy. Ol adam gidip soňra yzyna gaýdyp geldi-de, aýallaryň oňa gulak asmaýandyklaryny habar berdi. Pygamberimiz sallallahu aleýhi wesellem ýene-de: “Barda olara gadagan et!” diýdi. Ol adam üçülenji gezek hem yzyna gaýdyp geldi-de: “Allahdan ant içýärin, olar bizden üstün çykdylar, ýa Resulallah!” diýdi.
Aişa (enemiz): “Pygamberimiz sallallahu aleýhi wesellemiň: “Onda olaryň agyzlaryna toprak seç!” diýendigini aýtdy. Aişa şeýle diýdi: “Men ol adama: “Allah seniň burnuňy ýerden süýresin! Sen ne Pygamberimiz sallallahu wleýhi wesellemiň tabşyrygyny ýerine ýetirdiň, ne-de Resulullah sallallahu wleýhi wesellemi gaýgylanyp durka, öz gününe goýduň!” diýdim”.
"
