Ebu Hureýreden (Allah ondan razy bolsun) rowaýat edilmegine görä, Pygamberimiz sallallahu aleýhi wesellem şeýle diýipdir: “Namaza çagyrylan wagty, şeýtan azan sesini eşitmejek bolup yzyna öwrülip, (syrtyndan) sesli ýel goýbere-goýbere gaçar. Azan gutarandan soň, ýene gaýdyp geler. Kamat aýdylanda, ýene yzyna öwrülip gaçar. Kamat gutarandan soň, ýene yzyna gaýdyp geler-de, ynsan bilen onuň nefsiniň (kalbynyň) arasyna girip: “Pylan zady ýatla, şuny-muny ýadyňa sal” diýip, namazdan öň adamyň kellesinde bolmadyk zatlary ýatladyp başlar. Şeýdip, ol adam näçe rekagat namaz okandygyny bilmän galar. Eger-de siziň biriňiz namazda üçmi ýa dört, näçe rekagat okandygyny bilmän galsa, oturan ýerinden iki gezek sejde (sejde sehw) etsin”.
