"Aişadan (Allah ondan razy bolsun) rowaýat edilmegine görä, ol şeýle diýipdir: “Gün tutuldy, Pygamberimiz sallallahu aleýhi wesellem namaza durdy we uzyn bir süre okady. Soňra rukuga egilip, rukugda uzak wagtlap durdy. Soňra rukugdan başyny galdyryp, başga bir süre okap başlady. Soň ýene rukuga egildi we rukugdan başyny galdyryp sejdä gitdi. Soňra ikinji rekagatda-da edil birinji rekagatdaky ýaly etdi. Soňra hem şeýle diýdi: “Elbetde, bular (Gün bilen Aý) Allahyň alamatlaryndan iki sany alamatdyr. Siz bularyň tutulanyny göreniňizde, tä, açylýança namaz okaň. Hakykatdanam, men şu duran ýerimden maňa wada berilen zatlaryň ählisini gördüm. Hatda, (namaz okap durkam) meniň öňe tarap gidenimi göreniňizde, men Jennetden bir hoşa üzüm ýolup aljak boldum. Yza çekilenimi göreniňizde bolsa, jähennemiň biri-birini ezip duruşyny gördüm. Ýene-de, men jähennemde ‘Amr ibn Luhaýyň öz beren wadasyny berjaý edip, düýeleri boşadyp meýdana göýberip duranyny, gördüm”. "