"Şu‘ba, bize Azrak ibn Kaýs şeýle gürrüň berdi diýdi: “Bir gezek biz Ahwazda Haruriýeler bilen söweşip ýörkäk, men derýanyň dik kenaryndan geçip barýarkam bir adamyň eli bilen atynyň eýerini tutup, namaz okap duranyny gördüm. Birden ol at ýerinde hereket edip başlady, ol adamam onuň yzyna düşdi. Şu‘ba şeýle diýdi: “Şol adam Ebu Barza Al-Aslämidi”. (Soňra Azrak ibn Kaýs şeýle diýdi): “Şol wagt haryjilerden biri: “Allahym! Bu gojany jezalandyr!” diýdi. Haçanda namazyny tamamlandan soň ol goja adam: “Elbetde men siziň aýdan sözleriňizi eşitdim, ýöne welin men Pygamberimiz sallallahu aleýhi wesellem bilen alty (ýa-da ýedi ýa-da sekiz) söweşe gatnaşdym we (şeýle ýagdaýlarda) Onuň nähili ýeňillikleri görkezendigine hut meniň özüm şaýat boldum. Galyberse-de, atymy yzyna gaýtaryp, onuň (gaçyp gitmegine) ýol bermezligim, meniň üçin ony boşadyp, onuň bolsa gaçyp gidip, meni zor güne salmagyndan elbetde meniň üçin has gowudyr” diýdi. "