"Abdulla ibn Mes’uddan (Allah ondan razy bolsun) habar berilmegine görä, ol şeýle diýipdir: “Biz namazyň içinde salamlaşmaly” diýerdik we käbirlerimiz käbirlerimiziň adyny tutup salam bererdik. Pygamberimiz sallallahu aleýhi wesellem muny eşidip, bize şeýle diýip aýdyň diýdi: “Ettehiýýätu Lillähi wäsoläwätu wättoýýibät. Essalämu ‘aläýkä äýýuhän-näbiýýu wä rähmätullohi wä bäräkätuh. Essalämu ‘aläýnä wä ‘alä ‘ybädil-Lähissolihinä. Äşhädu ällä ilähä illallahu wä äşhädu ännä Muhammädän ‘abduhu wä räsuluh” (Ähli salamlar, salawatlar hem-de ähli gowulyklar Allaha mahsusdyr. Eý Pygamber! Allahyň salamy, rahmeti we berekedi saňa bolsun! Allahyň salamy bize we salyh gullaryna bolsun! Şaýatlyk edýärin, Allahdan başga (ybadat etmäge mynasyp) hiç bir hudaý ýokdur we Muhammed Allahyň guly we resulydyr). Egerde, siz şeýle etseňiz, onda siz asmandaky we ýerdäki her bir Allahyň salyh gula salam berdigiňiz bolar” diýdi. "