"Sahl ibn S’addan (Allah ondan razy bolsun) rowaýat edilmegine görä, ol şeýle diýipdir: “(Bir gezek) Pygamberimiz sallallahu aleýhi wesellem Benu ‘Amr ibn ‘Auwf taýpasynyň arasyny ýaraşdyrmak üçin çykyp gitdi. Namazyň wagty gelende, Bilal Ebu Bekriň (Allah olardan razy bolsun) ýanyna gelip: “Pygamberimiz sallallahu aleýhi wesellem eglendi, sen (adamlara ymam bolup) namaz okap berersiňmi? diýdi. Ebu Bekr: “Howa, isleseňiz bolaýyn!” diýdi. Bilal kamat aýtdy, Ebu Bekr bolsa, öňe geçip namaza başlady. Şol wagt Pygamberimiz sallallahu aleýhi wesellem geldi we saplaryň arasyndan ýöräp geçdi-de, birinji hatarda durdy. Ony gören adamlar el çarpmaga başladylar. Ebu Bekr (Allah ondan razy bolsun) namaz okan wagty daş-töweregine seretmezdi. Haçanda, adamlar el çarpmalaryny köpeldip başlanlarynda, öwrülip yzyna seretdi we yzynda Pygamberimiz sallallahu aleýhi wesellemi gördi. Pygamberimiz sallallahu aleýhi wesellem oňa ýeriňde dur diýip, yşarat etdi. Ebu Bekr (Allah ondan razy bolsun) ellerini galdyryp, Allaha hamd etdi. Soňra tä Onuň arkasyna geçýänçä yzlygyna ýöredi. Pygamberimiz sallallahu aleýhi wesellem hem öňe geçip, adamlara namaz okap berdi”. "