Ibn Abbasdan (Allah ondan razy bolsun) rowaýat edilmegine görä, ol şeýle diýipdir: “(Bir gije) Pygamberimiz sallallahu aleýhi wesellemiň aýaly, daýzam Meýmuna bintul-Harisiň öýünde ýatdym. Pygamberimiz sallallahu aleýhi wesellem şol gije onuň ýanyndady. Pygamberimiz sallallahu aleýhi wesellem Ýassy namazyny (mesjitde) okandan soň öýüne geldi we dört rekagat namaz okady, soň bolsa ýatdy. (Biraz wagt geçenden soň), ýerinden turup: “Oglanjyk ýatdymy?” diýdi (ýa-da şuňa meňzeş bir zatlar aýtdy). Soňra turup, namaza durdy, men onuň çep tarapynda durdum. Ol meni sag tarapyna geçirdi we bäş rekagat namaz okady. Soňra ýene-de iki rekagat namaz okandan soň, (ýerine) geçip ýatdy. Hatda men onuň horlaýan sesine çenli eşitdim. Soňra (Ertir) namazyna gitdi”.