Enes ibn Mälikden (Allah ondan razy bolsun) rowaýat edilmegine görä, ol şeýle diýipdir: “(Bir gezek) Resulullah sallallahu aleýhi wesellem atdan ýykylyp, (sag tarapyny) sypjyrtdy. Biz Ony soramak üçin ýanyna girdik. Şol wagt hem namazyň wagty boldy. Ol oturyp namaz okady, bizem oturyp okadyk. (Namazyny okap bolandan soň) şeýle diýdi: “Elbetde, ymam oňa uýmak üçin bellenýändir. Ymam: “Allahu Akbär” diýse, sizem “Allahu Akbär” diýiň. Rukuga gitse, sizem rukug gidiň, başyny galdyrsa, sizem galdyryň. Ymam: “Sämi’allahu limän hämidäh” diýse, siz: “Robbänä wä läkäl-hämd” diýiň”.