"Abdulla ibn Omardan (Allah olardan razy bolsun) rowaýat edilmegine görä, ol şeýle diýipdir: “Men Pygamberimiz sallallahu aleýhi wesellemiň saparda howlugan wagty, agşam namazyny ýassy namazy bilen birleşdirip, jem edip okamak üçin gijikdirendigini gördüm”.
Sälim şeýle diýdi: “(Kakam) Abdulla ibn Omar hem (Allah olardan razy bolsun! saparda) howlugan wagty şeýle ederdi. (Ilki) agşam namazy üçin kamat aýdardy we ony üç rekagat edip okady, soňra (egnine) salam bererdi. Soňra biraz durup, ýassy namazy üçin kamat aýdardy we ony iki rekagat edip okardy, soňra (egnine) salam bererdi. Bu ikisiniň arasynda ýekeje rekagat namaz hem okamazdy. Ýassy namazyndan soňam, tä, gijäniň ýarymynda (tähejjud namazyna) turýança, ýekeje rekagat namaz hem okamazdy”.
"
