"Aişa (Allah ondan razy bolsun) şeýle diýdi: (Bir gün) ir bilen Allahyň Resuly sallallahu aleýhi wesellem (düýesine) münüp bir ýere gitdi we (köp wagt geçmänkä) Gün tutuldy. Ol guşluk wagty yzyna gaýdyp geldi. Resulullah sallallahu aleýhi wesellem aýallarynyň hüjreleriniň ýanyndan geçip namaza durdy. Adamlar onuň arkasynda durdular. Pygamberimiz sallallahu aleýhi wesellem (ilki) namazda uzak wagtlap dik durdy. Soňra uzyn bir rukug etdi. Soňra başyny rukugdan galdyryp, ýene uzak wagtlap dik durdy. Ýöne birinjisinden azyrakdy. Soňra ýene-de uzyn bir rukug etdi. Ýöne birinji rukugyndan gysgarakdy. Soň bolsa rukugdan başyny galdyryp, sejdä gitdi. Soň (ýene) ýerinden turdy we uzak wagtlap dik durdy, ýöne birinjisinden azyrak durdy. Soňra öňkisinden azyrak dowam eden uzyn bir rukug etdi. Soňra başyny rukugdan galdyryp ýene-de uzak wagtlap dik durdy, ýöne öňkisinden gysgarakdy. Soňra birinjisinden azyrak dowam eden uzyn ýene bir rukug etdi. Soň bolsa rukugdan başyny galdyryp, sejdä gitdi we şeýdip namazyny tamamlady. Soň bolsa (hutbdany) Allahyň isleýşi ýaly aýdyp berdi. Soňra (adamlara) gabyr azabyndan Allaha sygynmaklaryny emr etdi. "